نبذة بسيطةجدا عن حياة السيد درويش
سيد درويش (1892 - 1923 )
السيرة الذاتية
سيد درويش موسيقى مصرى من مواليد 1892 باﻹسكندرية
يعد واحد من أهم الموسيقيين العرب على مدار التاريخ
فهو مجدد الموسيقى العربية
ولد درويش لأسرة متوسطة الحال التحق وهو في الخامسة من عمره
بأحد الكتاتيب ليتلقى العلم ويحفظ القرآن
وبعد وفاة والده وهو في السابعة من عمره قامت والدته بإلحاقه بأحد المدارس
وهنا بدأت تتضح موهبة درويش الفنية من خلال مدرسته وحصة الموسيقى باﻷخص
قبل الإشتغال بالفن عمل درويش كعامل بناء وقد لعبت الصدفة دورها فى حياته
عندما سمعه الأخوين أمين وسليم عطا الله وهما من أشهر المشتغليين
بالفن فى ذلك الوقت وقررا أن يصحباه برفقتهم فى رحلتهم الفنية إلى الشام عام 1908
وهناك تعرف على الشاعر الملا عثمان الموصلي الذى إعجب بموهبة درويش الفنية
الكبيرة وقرر أن يرعاه فنيا فحفظه التواشيح وعلمه الكثير من علمه
بعدها عاد درويش إلى القاهرة وظل فترة من الزمن يتنقل بين عمل وأخر
حتى تعاقد معه الأخوين عطا الله وأصبح فردا من فرقتهم الموسيقية
بعدها سافر مرة أخرى إلى الشام
وكانت هذه هى نقطة اﻷنطلاق الحقيقية فى مسيرة درويش الفنية
وكانت أول ألحانه التى قام بتأليفها يا فؤادي ليه بتعشق
ومن بعدها إنتقل إلى القاهرة وهناك لمع نجمه أكثر
و زادت شهرته بعد أن قام بتلحين كافة روايات الفرق المسرحية في شارع عماد الدين
أمثال فرقة* نجيب الريحاني *جورج أبيض* وعلي الكسار
تنوعت ألحان درويش و أختلفت مقاماتها و قوالبها وقد كان هذا سبب تميزه وتفرده
ويعد درويش من اوائل الفنانين الذين ربطوا الفن بالسياسة والحياة اﻷجتماعية
فنجده غنى فى مناسبات عديدة مثل أغنية *قوم يامصرى
التى غناها أثناء ثورة 1919
أيضا نشيد (بلادى بلادى)
الذى اقتبس فيه بعضا من كلمات الزعيم الراحل مصطفى كامل
و( أغنية "الحلوة دى) التى غناها تضامنا مع الحرفيين والفئات العاملة بالمجتمع
فقد كان هدف الموسيقى المصرية قبل درويش الطرب فقط
ولكن سيد درويش جعل منها مهنة أكبر وأهم
فقد أستخدمها في الجهاد الوطني والإصلاح الاجتماعي
توفى سيد درويش فى سبتمبر 1923 وهو فى ريعان شبابه
لكنه كان قد ترك وراءه كنز وتراث فنى عريق مازالت تفخر به اﻷجيال حتى الأن
السيد درويش البحر (1892 - 1923) مغني مصري وهو مجدد الموسيقى
(وباعث النهضة الموسيقية في مصر والوطن العربي لقب بـ (فنان الشعب
بدايته الفنية
تزوج سيد درويش وهو في السادسة عشرة من العمر وصار مسؤولا عن عائلة
فاشتغل مع الفرق الموسيقية لكنه لم يوفّق
أدخل سيد درويش في الموسيقى للمرة الأولى في مصر
الغناء البوليفوني في أوبريت العشرة الطيبة وأوبريت شهرزاد والبروكة
بلغ إنتاجه في حياته القصيرة من القوالب المختلفة العشرات من الأدوار
وأربعين موشحا ومائة طقطوقة و 30 رواية مسرحية وأوبريت
في الفترة التي عمل فيها الشيخ سيد درويش على المسارح الرخيصة
عرف أمرين لم يكن بهما سابق معرفة النساء وصياغة الألحان
فالتعارف الأول طبيعي وأما التعارف الثاني فكان بحكم الموهبة المتأصلة في نفسه
وروحه وكلاهما فطري بالنسبة لهذا الفنان الكبير كما أن ألمه الكمين في نفسه كان
السبب في أن يخرج إلى الوجود بلغته الفلسفية النغمية فيسحر بجمالها الألباب
ويرقص النفوس إنه ما كان يلحن أغنية حتى يرددها أفراد الشعب والعوالم
اللواتي يقمن الأفراح والمسارح الغنائية وموسيقات الجيش والموسيقات الأهلية
السر في انتشار الشيخ سيد بين أفراد الشعب هوان لكل لحن قصة ومناسبة ولكل مناسبة
أثرها العميق في نفس الشيخ سيد درويش المرهفة الحساسة
فأول أغنية لحنها كانت زوروني كل سنة مرة حرام تنسوني بالمرة وكانت مناسبة تأليفها
أن امرأة يحبها قالت له هذه العبارة ابقى زورنا يا شيخ سيد ولو كل سنة مرة ولحن آخر
كان وحيه امرأة غليظة الجسم اسمها جليلة أحبها حبا عظيما وغدت إلهامه في النظم
والتلحين والغناء هجرته هذه المرأة وأخذت تتردد على صائغ في الإسكندرية وعمل لها
الصائغ خلخالا فغضب الشيخ سيد وفكر بالانتقام من حبيبته وعزوله
وكان أول انتقام من نوعه على الطريقة الموسيقية الغنائية
ألحانه
لحن سيد أجمل أغانيه في مناسبة غرامية حرجة وكانت الأغنية من مقام حجاز كار
وقصة هذه الأغنية أنه بينما كان يعمل مغنيا على مسارح الإسكندرية
يعلق قلبه بحب غانيتين الأولى اسمها فردوس والثانية اسمها رضوان
فكان إذا تخاصم مع الأولى ذهب إلى الثانية والعكس بالعكس
وصدف مرة أن هجرته الاثنتان معا وبقي مدة من الزمن يتلوى من ألم الهجران
وفي إحدى لياليه بينما كان رأسه مليئا بما تعود عليه في بيئته ومحيطه من ألوان الخمور
والمخدرات خطرت على باله فردوس وهاج شوقه فقصد بيتها طالبا الصفح والسماح
بالدخول عليها ولكنها أبت استقباله لعلاقته مع عشيقته الثانية رضوان
فأقسم الشيخ سيد أيمانا مغلظة بأنها صاحبة المقام الأول في قلبه وجوارحه
ولكن فردوس أرادت البرهان بأن يغنيها أغنية لم يسبق أن قالها أحد قبله في غانية
فأنشدها في الحال:
يا ناس أنا مت في حبي وجم الملائكة يحاسبوني حدش كده قال وانتهت الأغنية بالبيت
الأخير الذي كان له شفيعا في دخول بيت فردوس فقال:
قالوا لي أهو جنة رضوان واخترت أنا جنة فردوس
اشتهر اسم سيد درويش وذاعت أغانيه حتى وصل إلى سمع رائد المسرح الغنائي
المصري سلامة حجازي الذي حرص على زيارته في الإسكندرية
والاستماع إليه شخصيا عام 1914 وأبدى إعجابه بأسلوب سيد درويش في التلحين
وتنبأ له بمستقبل كبير ثم عرض عليه الانتقال إلى العاصمة القاهرة للعمل معه
وفعلا ترك الإسكندرية واستمع جمهور القاهرة
إليه لأول مرة مطربا بين الفصول المسرحية
لكن الجمهور الذي تعود على صوت سلامة حجازي كان استقباله فاترا للمطرب الجديد
مما جعل الشيخ سلامة يخاطب الجمهور دفاعا عنه قائلا هذا الفنان هو عبقري المستقبل
لكن الشيخ سيد يقرر أن ينهي المهمة ويعود إلى مدينته في اليوم التالي
في عام 1917 يعود سلامة حجازي إلى سيد درويش بعرض أقوى
وطلب منه تلحين رواية كاملة لفرقة جورج أبيض هي فيروز شاه
وعنها انتبه الجمهور وكذلك الفرق الأخرى إلى أن فنّاً جديدا قد أتى وأن الألحان
أثمن من الرواية نفسها وحرصت معظم الفرق على اجتذاب سيد درويش لتلحين رواياتها
ثم أصبح في سنوات معدودة الملحن الأول في مصر متفوقا بذلك على الملحنين
المخضرمين مثل كامل الخلعي وداود حسني وغيرهم
اعماله
بلادي بلادي بلادي لك حبي و فؤادى
بلادى بلادى بلادى هو النشيد الوطنى لمصر
من تأليف الشاعر محمد يونس القاضى و تلحين الموسيقار المصرى سيد درويش
بعض كلمات النشيد مأخوذه من خطبة مشهورة للزعيم مصطفى كامل
الرئيس السادات هو من اختاره نشيدا وطنيا لمصر سنة 1979
كلمات النشيد
بلادى بلادى بلادى — لكِ حبى و فؤادى
مصر يا أم البلاد — أنتِ غايتى والمراد
وعلى كل العباد — كم لنيلك من أيادى
بلادى بلادى بلادى — لكِ حبى وفؤادى
بلادى بلادى بلادى — لكِ حبى وفؤادى
مصر انت أغلى دره — فوق جبين الدهر غرة
يا بلادى عيشى حرة — واسلمى رغم الأعادى
بلادى بلادى بلادى — لك حبى وفؤادى
بلادى بلادى بلادى — لك حبى وفؤادى
مصر يا ارض النعيم — سدت بالمجد القديم
مقصدى دفع الغريم — وعلى الله اعتمادى
بلادى بلادى بلادى — لكِ حبى و فؤادى
بلادى بلادى بلادى — لكِ حبى وفؤادى
مصر أولادك كرام — أوفياء يرعوا الزمام
سوف نحظى بالمرام — باتحادهم واتحادى
بلادى بلادى بلادى — لكِ حبى و فؤادى
بلادى بلادى بلادى — لكِ حبى و فؤادي
اسمع النشيد
واغنية
زورونى كل سـنة مرة
كلمات
زورونى ف السنه مره
حرام تنسونى بالمره
حرام تنسونى بالمره
يا عينى ع اللى ما لوش حد
طول عمره يقاسى الوجد
و تجرى دمعته ع الخد
دا مسكين حاله بالمره
دا مسكين حاله بالمره
قولو لى ع اللى قساكم و نساكم و سلاكم
قولو لى ع اللى قساكم و نساكم و سلاكم
انا طول عمرى ما هانساكم
حرام تنسونى بالمره
حرام تنسونى بالمره
أنا عمــلت إيه فيـكم
تشاكونى و اشاكيكم
أنا طول عمرى باداديكم
حرام تنسونى بالمره
دا حرام تنسونى بالمره
اسمع الاغنيه
واغنية
مخسوبكو انداس
كلمات
مخسوبكو انداس .... صبح محتاس ... مسختوا بابوتسي ياناس
مفيس فلوس ... بقيتو منخوس ... فلستو خلاص
نستغلوا فى ايه ... ياافندي يابيه .... مادام البخت موريه
مافيس تهييص ... مافيس قميص .... فينيتو خلاص
فين نروخو ... ساغريستي ... دنيا لسه تربتيه... ايام الهيصة فنيتو خلاص
مخسوبكو انداس .... صبح محتاس ... كفرتو ياناس
بوكر مفيس ... يابو درويس ... قهاوي رقص مفيس
ازاى يافندي .... ابن الكيف يقدر يعيس
بوكر مفيس .... يابو درويس ... قهاوي رقص مفيس
مدام مفيس بدل ... يغنيش نبيع ورنيس
سوخنا نروح لمين .... دوخنا يامسلمين ... نسكي لمين ولمين آه
حانتيس مانتيس .... يابو الريس ... ان شاء الله تعيس
سبت الخمارة ... سكنت فى خارة .... مافيس ولاواخد باره
علشان نسوف .... كلنا لطوخ .... وبتيجى منفوخ
ارتبن يوم كليفنى موليفتى الافتوه برياه
افتوه كالا بولي كالا سمك بكالاه
اخيه امان امان فين المصرى بتاع زمان والمدام فاصولاكى
واللا ياخرلمبو ... كانت ايام .... فاريج لى كى
مخسوبكو انداس .... صبح محتاس ... مسختوا بابوتسي ياناس
مفيس فلوس ... بقيتو منخوس ... فقرتو خلاص
اسمع الاغنيه
اشنجر دامولينا
كلماتها
اشنجر دامولينا ياربي مسكجينا
ياشيخ ده احنا كفايه رضا ربك علينا
ياما بنقاسي يابهوات وياما الناس يعايرونا
على خدمتنا للخواجات وللمدامات ولامونا
يهودي تركي ياباني فى اكل العيش يااخواني
مافيش مسلم ونصراني
ايه هىء هىء هىء هىء هىء هىء هىء هىء
ايه هىء هىء هىء هىء هىء هىء هىء هىء هىء هىء
هجرنا بلاد ابونا ونخلاتنا وعيالنا
ياريت اللى جابونا سابونا هناك فى حالنا
ياهوه حتى المزينين وصبيانها لها نقابة
واحنا كومنده بوابين وليه نفضل كده غلابه
ماسونيه يابلشفيه ايه ماهو احنا اللى خلقناها ومنا فهموا معناها
ايه هىء هىء هىء هىء هىء هىء هىء هىء
ياناس دى العبودية دى ضد الانسانية
مادام ده شىء غريزي ياهوه فيكم وفيا
لحد امتى يااخوانا مابين يحيا ومايحياش
يااسيادنا اسمعوا منا نصيحة كدة عالماشي
برابرة ايه ياشيخ وعبيد مادام قلبك كده وشديد
مسير العبد يبقى سيد
ايه هىء هىء هىء هىء هىء هىء هىء هىء
ايه هىء هىء هىء هىء هىء هىء هىء هىء هىء هىء
اسمع الاغنيه
مصطفاكى بزياداكى (العسكر الأتراك)
كلماتها
النهاردة بكرة بعده اخنا نمسك أناضول
كدابين
مصطفاكي بزياداكي زنقه رومي خانقه فوس
غوناريس تحت البواكي وياسجان الديوس
هربانين
فى أتينا مافيش دراخمة عسكرية فى هلاك
بس شاطرين ياكلوا لخمة من كماليدس يخاف
معذورين
كسبتو كاني سبتو ماني شوف مانولي مافيهش حيل
كلموه برضون يوناني خش امسك دردنيل
كدابين
أنقره عنده فرنسا عنده طليان بلشفيك
اخنا فين ياإكسو لانسا جنب دول مسكين جريك
كسبتو مين
جينا نعمل جيش هجومي إبيوناكي قره حصار
اكسو، سكتر بره، امشي رومي تركي دول ناس فى انتصار
مشهورين
اسمع الاغنيه
الحلوه دى قامت تعجن ف البدريه
كلمات
الحلوه دى قامت تعجن ف البدريه
و الديك بيــدن كوكو كوكو ف الفجـريه
يللا بنا علا باب الله يا صـنايعيه
يجعل صباحك صباح الخير يا اسطا عطيـه
طلع الصباح فتــاح يا عليــم
و الجيـب مافهشى ولا مليــم
مين فى اليومين دول شاف تلطيـم
زى الصـنايعيه المظاليـم
الصبر طيب عـال
يا اللى معاك المال
برضه الفقيـر له رب كريم
متشد حيلك يا ابو صلاح
اضربها صرمه تعيش مرتاح
خلى تكالك ع الفتاح
يللا يللا بينا الوقـت اهو راح
الشمس طلعــت و المــــــلك لله
ما تشيل قدومك و العـــده و يللا
اجــرى لرزقك خليها علا الله
الحلوه دى قامت تعجن ف البدرية
و الديك بيدن كوكو كوكو ف الفجرية
يللا بنا علا باب الله يا صنايعيه
يجعل صباحك صبح الخير يا اسطا عطيه
اسمع الاغنيه
سالمه يا سلامه
كلمات
ســــالمة يا ســـلامة رحنا وجينا بالسلامة
صفر يا وابور واربط عندك نزلنــــى فى البــــــلد دى
بلا أمـــــيركا بلا أوربـــــــا مافى شئ أحسن من بلدى
دى المركب اللى بتجيــــــب احســن من اللى بتــــودى
يا اسطى بشندى
سـالمة يا سلامة
سـلطة ما سلطة كله مكسب حوشــــنا مــال وجيــــــنا
شفنا الحرب وشفتا الضرب وشــــفنا الديناميت بعنــينا
ربك واحـــد عمرك واحــد ادى احنا رحـــنا وجيــــنا
ايه خس عليــنا
سالمة يا سلامة
صلاة النيى ع الشخص منا فرصـــة ميه بلا قافيــــــة
اللى ف جـــيبه يفنجــــر به والبركة فى العين والعافية
ح تـــاخد ايه م الدنيــا غيـر الستر يا شيخ خليها ماشـية
دنيـــا فانيــــــة
سالمة يا سلامة
دى الغربـــــــة ياما بتــــــــــورى بتخــــــلى الصــــنايعى بيـــرطن
مطـــــرح ما يـــروح المصــــرى برضــه طـــول عمــره ذو تفنــن
وحيـــــــاة ربنـــــــــا المعبـــــــود وى آر فرى جود ياسطى محمود
قــدها وقــدود
سالمة ياسلامة
اسمع الاغنيه
خفيف الروح
كلمات
خفيف الروح بيتعـاجب
بيتعاجب
برمش العيـن والحاجب
خفيف الروح
غمـز لى مرة بعيونـه
لقيت الحــب مضمـــونه
حرام ان كنت انا اخونه
وعشقى له من الواجــب
خفيف الروح
تملى يحب يشــــــغلنى
بســـهم اللحـظ والننى
أخاف اتقل يخاصـمنى
ويهجـــرنى ويحـــرمنى
خفيف الروح
رأيت الأوفق ان جانى
حبيب القــلب نـادانى
أرد عليــه بأجفـانى
ولا أحسب حساب عازل
خفيف الروح
اسمع الاغنيه
ياشيخ قفاعه
كلماتها
اقرأ ياشيخ قفاعه تلغراف آخر ساعه
اللى فى جورنال البورص
وأنا هأبقى احلق ذقني إن ماكنتش ترقص
ترقص ترقص ترقص
الصلح صبح قلسطه والعيشه هتبقى قشطه
يا قساتذه قولو اش
يا قساتذة قولو براوه دي الحرب خلاص فينيش
فينيشٌن فينيشٌن فينيشٌن
بعد أكل التسقيه والسلطه والطعميه
اللى بتهد الحيل
نرقع لنا اقتين تلاته سمن بلحم الخيل نرقع
نرقع نرقع نرقع
ومادام الضاني غالي وكذلُك العجالي
مش لازم ندقق
حِصانن أو حمارن او بغلن مش راح نعتق قبدن
قبدن قبدن قبدن
ياما بكره هنبقى نقلّس ع التجار لما تفلس
و زي مانتفلق
يتفلقو هما كمان واحنا نضحك هقهق
هقهق هقهق هقهق
يللا نقلوظ العمه عل مودا ونستحما
بصفيحة كالونيا
ونسافر على اوروپا نتفرج ع الدنيا
دنيا دنيا دنيا .. ترلم ترلم ترلم
ستاتها قلماظيه ماتقولش مهلبيه
قبدن قبدن إيش جاب
قربت اسيح قربت اسخسخ قربت اتكهرب الحق
الحق الحق الحق
ياسلام على حطة بطة نطة حطة بطة نطتهن
على خفة نتفة خفة نتفة خفة نتفتهن
سيبك م الفقهنه خالص من بكره هتبقى لابس بدل العمه كاسكيت
و اذا جيت قالت بيتى كسكيليا
يا علي يابتاع الزيت
روميو وجوليت ف البيت
قرشت مرشت قرشت مرشت فرشت وقالت اقعد
عكشت نكشت فرشت مرشت ياحلاوتها فيري جود
فيري جود فيري جود فيري جود
فيري جود فيري جود فيري جود
اسمع الاغنيه
دنجى دنجى
كلمات
قالت لي خالتي ام أهمِد .. كلمايه فى متلايــــه
سرقوا الصندوق يا مهمِـد .. لكـــن مفتاهه معايا
إنه يا شنجي كريكري
دينجي دينجي دينجي .. دينجي دينجي دينجي
يا مصيبه و جالي من بدري .. زي الصاروخ ف ودانـي
ما في هاجه اسمه مصـري .. و لا هاجه اسمه سودانـي
بهر النيل راسه ف ناهيه.. رجليه ف الناهيه التاني
فوجاني يروهو ف داهيه .. اذا كان سيبو التـهتـــاني
إنه يا شنجي كريكري
دينجي دينجي دينجي .. دينجي دينجي دينجي
اسود ابيض يا بـــو رامه .. عايشين ويا بعضـــينا
بربرى فيه عنده كرامه .. مـــصري طول عمره اخينا
اتنين جيران بلدنجي .. و الهيطه جنب الهيطه
الناس دي بلاوي كلنجي .. عايزين خلينا شكليطه
إنه يا شنجي كريكري
دينجي دينجي دينجي ..دينجي دينجي دينجي
الأكل بتاعنا براوه .. يشهد له البيه و الباشا
يوم فاصوليا و بِجلاوه .. يوم ملوخيه و بغاشـه
يا أوروبا خليكي شاهد .. ع البوليتيكه التراللي
الرايـــه بتاعنا واهد .. لازم يستنا تــمللي
إنه يا شنجي كريكري
دينجي دينجي دينجي .. دينجي دينجي دينجي
اسمع الاغنيه
عشان مانعلا ونعلا
كلمات
عشان ما نعلا و نعلا و نعلا لازم نطاطي نطاطي نطاطي
عشان ما نعلا و نعلا ونعلا لازم نطاطي نطاطي نطاطي
بسلامته الوالي أبوزعيزع مهجص باشا دقن تعيتع
أفيونته تمللي قال إيه نترصص دايما حواليه
نروح واقفين زنهار زي القط والفار
نلقاه دايما منفوخ نفشر له طاخ طيخ طوخ
الرك على حبة بولوتيكه وذمة كاوتشوك خربانه
مادام الامير ملته أنتيكه لازم الرعيه تكون وحلانه
الرك علا حبة بولوتيكه وذمه كاوتشوك خربانه
مادام الامير ملته أنتيكه لازم الرعيه تكون وحلانة
حزر فزر يا واد أنت بعقلك بعد الحنشصه دي اللى أنت عليها
ياهل ترا الدنيا دي ها تروق لك و تشوف ما شاف قراقوش فيها
تعرفش المسأله إيه عرنوس متعفرت ليه؟
من حقه سلامات سلامات ايش حال القفوات
الجميع: محاسيبك
حسن: يا خي سيبك
اول شرط نطاطي البصله لسيدنا الوالي ونستعبط له
مهما تسمعو تهجيص اعملوا روحكم بلاليص
مهما نسمع تهجيص نعمل روحنا بلاليص
بلاليص بلاليص بلاليص بلاليص بلاليص بلاليص
عشان ما نعلا و نعلا و نعلا لازم نطاطي نطاطي نطاطي
اسمع الاغنيه
القلل القناوى
كلمات
مليحه قوى القلل القناوى
رخيصه قوى القلل القناوى
قرب حدانا وخد قلتين
خساره قرشك وحياة ولادك
ع اللى ماهواش من طين بلادك
ده ابن بلدك ما يبلفكشى
ما تعدموشى ولا يعدمكشى
دمك من دمه ما يفرقوكشى
الدنيا مالها يا زعبلاوى
شقلبو حالها وين المداوى
شوفو البلاوى ده البنك ناوى
يرفع دعاوى علشان يتاوى
فى فلوسنا و احنا متقندلين
مش بزيادانا بقينا عره
وكل حاجة من شغل بره
ده الفقر طول قلع عينينا
وخلا غيرنا الس علينا
يادى الفضيحه يا ناس حرام
ولحد امتا ما نفوقش واصل
و البيه مقعمص قاعد يواصل
يشرب فى بيره ويا منيره
واحنا فى حيره جد و كبيره
انتعنا بقا يا جد الحسين
اسمع الاغنيه
شد الحزام
كلمات
شد الحزام على وسطك غيره ما يفيدك
لابد عن يوم برضه يعدلها سيدك
إن كان شيل الحمول على ضهرك بيكيدك
أهون عليك يا حر من مدة إيدك
ما تياللا بينا انت وياه
و نستعين ع الشقا بالله
و اهو اللى فيه القسمه طولناه و اللى ما ميجيش ان شا الله ما جاه
مادام بتلقى عيش وغموس يهمك ايه تفضل موحوس
ماتحط راسك بين الروس لا تقول لي خيار و لا فاقوس
يللا بنا يللا نلحق الاكسبريس اهـه ع الرصيف
وادى احنا يا دوبك لسه ما عملناش بحق رغيف
كل المحطـات قبــــلى و بحـــرى بقت لفاليـــف
يتـوب عليـنا من دى العيشــه يا لطيف يا لطيف
ما قطعو لنا التليفونــــات و عطلو التلغرافـــــــــــات
عمركش سمعت الدلنجات بيسافرو لها بالباسبورتات
غلب حمار اللى له حمار يحمـل له ست انفــــــــار
و اهو السفر فى الايام دى صار ع البهايم ليل و نهــار
أقول لك إيه و أعيد لك إيه كله له آخر
دى خبطه جامده وجت على عينك يا تاجر
يا وحستك دلوقت لا وارد ولا صادر
يحلها الفين حلال ربك قادر
قول لي فى عرض النبي يا حسين رايحين نلاقيها منين و منين
و الاس متجوز اتنين يا دنيا روقى جاتك البين
شوفو البخيل يفضل منحوس ولو علقوا على بابه فانوس
فلوس دي ايه اسكت يا جاموس هيه السعاده فى غنى النفوس
قرب شيلني شيل عمر الشده ما تطول قرب شيلنى شيل بكره نهيص زى الأول
لا تقول لي كتير و قليل بكره نهيص زي الأول
لا تقول لى كتير و قليل عمر الشده ما تطول
هيلا هيلا هيلا هيلا هيلا هيلا هيلا ليصه
اسمع الاغنيه
الكوكايين
الكوكايين أغنيه مصريه بكلمات بديع خيري وتلحين وغناء سيد درويش
كلمات
اشمعنى يا نخ
الكوكايين كخ
ده أكل المخ
هلكنا اعمله على غيرنا
رايح لي تطخ
وجاي تبخ
شطب
هو أنت شريكنا حتا ف مناخيرنا
ايش عرفك انت يا دونكي
المدعوئه دي بخنفتها
بتكلفني كوكايين كام ف ليلتها
ياما راح أناطير جواها
من الأزايز إياها
صحه ما صحه .. لا إله إلا الله
ها ها هااا
راحت مورتوم
العايز أهبل يا خواجه زنفل
يروح ابو زعبل
و أبوها علشان تنشيئه
و لا خمسه جرام و لا عشره جرام بيقضو أخوك
ده أنا اشطب على ميت فابريقه
مش غايته الجيب ها ينفض
إيه يعني
المخ يأكسد
إيه يعني
نشمه ابيض .. يطلع اسود
ياما حكما و أجزاجيه
ياما حانوتيه و طربيه
بقول اغنيا
على حس الكوكاينجيه
إيه إيه إيه شوف الدنيا
ما بقينا صمون بكمون عميون
شررم بيررم
يا افندي البيجي بيجي بيجي
م السما احنا وقعنا لك
و انتي استلقتينا
يا مصلحة الجمارك
اتحفينا تنشيقه ورا تفليته
ها نموت بيها و عنيا
واخرتها تربيتي تيتي
ع العباسيه
خديني يامه
ع العباسيه
خديني يامه
ع العباسيه
دي مناخيري
طولت شويه
دي مناخيري
طولت شويه
اسمع الاغنيه
ام اسماعيل
كلمات
ياحلاوة ام اسماعيل فى وسط عيالها
زي النجفة عم بتلعلط فى جمــالها
تزرع وتقلع فى الغيط ويا راجـلها
وتعاود تاني لعجينها وغسيلــــها
تحلب جاموســــتها حلاوة كتاكــــــيتها
ع الملوخية ياختي عليها وعلى بطــــتها
بنات البندر دول لا بتوع ال آن دي ترواه
يكفانا اللى شفناه من فات قديمه تـــاه
زيي أنا شفت كتير وسنه بسنه ولادي الكبير
لا فاتولي بيت ولا غيط
قسمة ومكتوبة توبة من الــــنوبة
لو يقطعوا رقبتي ماخدش غير زنوبة
مانمدش رجلينا ليه على قد لحافنا يابيه
دا المصري مازادش عليه غير ماله وضاع بإيديه
وده من يوم ما مدّانوه خلوه نسي عوايد أبوه وصبح يقول ياريت ياريت
اسمع الاغنيه
حرج عليا بابا
كلمات
حرج عليا بابا ماروحش السينما
واقابلك فين
أنا من رأيي تكاتبنى
وأجاوبك وتجاوبنى
وف اى يوم تطلبنى
تلاقينى فى غمضة عين
حرج على بابا ماروحش السينما
واقابلك فين
لو عندك رأى غير ده
قولهولى ونشوف دا من دا
مالوش لازمة البعاد ده
والنبي دانا بين نارين
حرج على بابا
ماروحش السينما
واقابلك فين
يارب انت ياقادر
ياجابر كل خاطر
دم اخلاصنا للاخر
وحياة جد الحسين
حرج على بابا
ماروحش السينما
واقابلك فين
اسمع الاغنيه
الموظفين
كلمات
هز الهلال ياسيد ... كراماتك لاجل نعيد
يكفي اللى حصل .... كام يوم ووصل ... بقى زرع بصل
هديت واهو راق الحال... ورجعنا للأشغال
دا الموظف منا .... مش وش خناق ولاشومه
لما يحمر عينه والا .... يقوم له قومه
حد الله مابيني وبينك غير حب الوطن ياحكومة
هز الهلال ياسيد كراماتك لاجل نعيد
عشرين يوم راحو علينا إن شا الله ياخدوا عنينا
بس المقصود .... يبقى لنا وجود ... والدنيا تعود
ياما شفنا م الستات .... طلعوا وعملو مظهرات
والكناسين رخرين راسهم والف مقشة
مايكنسو بس كنسه ........ ولا يرشو رشة
والصنايعية راحم جايبين ضلفة أحسن ورشة
هز الهلال ياسيد .... كراماتك لاجل نعيد
الغلب اللى شاربينه .... ياريت العالم شايفينه
دي ماهية ايه .... الكام جنيه .... ياخواتي بريه
من خمسة منه تروح ... وبقيته تقول ابوح
وبسلامتها الست بتاعتي ... ماتتوصاشي
ولابتجبليش فى البطن إلا ... بالجوزعلى الماشي
وييجي الجزار والخضري ... والبقال ينعلو ابو خاشي
هز الهلال ياسيد .... كراماتك لاجل نعيد
مستخدم الايام دي ........ ذمة مفيش أحسن من دي
بليسنسيهات ودبلومات يرطن بلغات
فى الشغل ياسيدنا يابيه ثمانين مايجيبوا ايديه
مفيش إنااسفهناكم زي ماانت راسي
ماحناش حبة بلاليص حطينها فوق الكراسي
بكره المولى يعدلها وفي الدنيا دي عمرك ماتقاسي
هز الهلال ياسيد ... كراماتك لاجل نعيد
اسمع الاغنيه
العربجية
كلمات
مين زينا احنا العربجيه ياهوه مين
بنشوف غلب و تلطيم عقبال اللايمين
كل الناس ف إشغالها يا افندى رايحين جايين
الا احنا نفضل بالعشر ساعات قاعدين
الله يكفيكو ياهوه شر القعده اللى بنقعدها مصلوبين
طول النهار انا والجدع دا
ياما بنشوف م الشاوشيه صبح و مغرب و عشيه
علا أى شىء يرازونا يخالفونا و يلعنو ابونا
أهى حاله يعلم بيها سيدك تشكى لمين شىء مش ها يفيدك
طول ما سرعك يا اسطا ف ايدك اوعا تصدق اننا نتهان
لازمه:
اكلنا احنا و البهايم يا اسطا زاد الطاق اتنين
نعيش ازاى يا ناس يا اخواننا العدل فين
ياهوه ورانا عيال غلابه ياكلو منين
ل إمتا هنفضل ساكتين كده جاتنا البين
بتوع الترماى هم اللى يا ناس جابو داغنا نعمل ازاى
ولله اعتصاماتهم بتنفعنا
الله يكون ف عوننا ياما بنقاسى مع زبوننا
ييجي الزبون دا يركب زى اللى بيلعب عنكب
يحط رجله ف خربتنا و إن قلنا له حاجه يخرب بيتنا
يفضل كده يهرى ف جتتنا قال دا مزاج البيه أحيه
لازمه:
لكن ارجع برضه اقول لك يا اسطا طبقتنا احنا دون
مين زينا يا ناس نردح لاحسن زبون
نفضل ساكتين عليه لحد ما نوصله البيت
و إن قصر ف الاجره نخلى لك ليلته زيت
نقعد نعمل له يا بيه قدام الجيران هليله
و نقول عليه كان راكب وياه مدمزيله
واحنا كمان ياما بنقاسى من زبايننا الهلاسى
ييجى الزبون بنتايه و يروح راكب ويانا
نبئا سايقين علا عمانا والكبوت مرفوع آه يانا
مش عارفين ايه بيجرا ورانا العربجى ليه ماتتوبش عليه
اسمع الاغنيه
الجرسونات
كلمات
هنا جروپى هنا ريليه هنا كافيه دى لا بيه
اهى شغلتنا كده يا افنديه نفضل نحزق بالصفه ديه
نهاتى و اللى نقوله نعيده كإننا بنقرا ف عديه
دا الجرسون منا يا بيه و حياتك له الجنه
ياما بنقاسى خوته و دوشه و مرمطه يا اخواننا
نفضل شايلين صوانى و ماشيين زى المكوك رايحين جايين
يبقا دا يصقف و دا يهاتى و دا يخبط كدا بوريه
ياخواتى خلو عقلنا سبعه سباتى هيلحسوه
اهو المقدر يانى عليه يفرح يكدر مش بايديه
بلا مارتينى بلا ويسكى و صودا
دا الجرسون عايش عيشه سوده
كان مالنا احنا و مال الكار دا
و لسه ياما هشوف ياسى فوده
احسب يا بيه كام كيلو بنمشى ف الساعه
بس من البوفيه للزبون كدا من غير لكاعه
دا عايز دورين و دا تلاته دا عايز فرموت و دا چيلاته
دا عايز ويسكى و دا بيره و دا مزه و دا منجه و دا كافيه
أحيه لاهو الجرسون عقله دفتر توب عليه
زبايننا مالها جرا لها ايه بقشيش مفيش يا اخواننا ليه
دا التشطيب دا و منع الخمره خلو عيشتنا جهنم حمره
كان ييجى الزبون لنا طينه نغالطه و نجرده يا ابو سمره
اللى عنده عيال يا بيه يعيش إزاى الايام دى
و ياريت ع الشقا اللى احنا فيه بنزيد يا سى حمدى
يا ناس دا حرام دا احنا غلابه
آدى احنا عملنا لنا نقابه
طول ما احنا يا صاحبى ايد واحده مش ممكن ننضام
برضه مسيرنا نبلغ أمانينا بالوئام
اسمع الاغنية
التحفجية. (الحشاشين )
كلماتها
ياما شاء الله ع التحفجيه اهل اللطافه والمفهوميه
اجعلها ليلة مملكه يا كريم
دا الكيف مزاجه إذا تسلطن اخوك ساعتها يحن شو شو شوقه
الى حشيش بيتي نيتي نيشي اسأل مجرب زي حالاتي
حشاش إرا إراري يسفخ يوماتي
خمسين جرايه ستين سبعين
هأ هأ هأ يا مرحب
صدق و آمن بالذي خلقها و قال كوني جوزه لكل من يدوقها
ما يسلا أنفاسها بملايين
بس الاكاده حبس و ظلومه يكفينا شرك يا دى الحكو حكو حكومه
حكو حكو حكو حكو حكومه اول ما نسمع زنه نموسه
تبص تلقا كل الشخصه اكسبريسات راحم طايرين
ها ها هأ يا مرحب
هو احنا يعني علشان غلابة لا بتوع قرايه و لا كتابه
يهينونا فلتحيا التفانين
كان يبقا شنبي من غير مؤاخذه
علا كلب رومي و الا علا مع مع معزه
معمع معمع معمع معزه
اول ما تنده وتقول يا قرقر
أجيك مش مشمر من غير تؤخر هو ابن مصر ها يخاف من مين
ها ها هأ يا مرحب
ورينا أجدع بيه والا باشا يقدر يعايب علا الحشاشه
فشر يا دقدق صلى ع الزين
و أقول لك الحق يوم ما نلقا بلادنا طبت فى اى زنقه
يحرم علينا شربك يا جوزه روحي وانت طالقة مالكيشي عوزه
دي مصر عايزه جماعه فايقين يا مرحب
اسمع الاغنية
يامدام كيلوباترا
كلماتها
البياعين :
يامدام كليوباترة ياخفة انتي يا إش
اللى مايشتري ييجي يتفرج
هنا هو الأوكازيون البرفكس
ماشترى خليها بقى تتفرج
البنات : ياخويا ماتسيبني أفوت هو البيع بالنبوت
البياعين : قربى
البنات : لأ لأ
البياعين : والنبي
البنات: طؤ طؤ
البياعين : والولي
البنات : نو نو
البياعين : فافوريسكا
البنات : فافوريسكا ايه وهباب ايه
اكسو موريه دنا ورايا ميت راندفو
البياعين : بقى يعنى خلاص مش راح نستفتح
حرير قطيفة ستانيه م الفينو
البنت : هو أنا جاية فى مصر اتفسح
النه دا ملعوب مش عارفينو
دوللي ياما عندي بروجرامات تكسر وسط البهوات
اتحنجل تيت تيت
البياعين : راح اريل بروم بروم
دوللي : اتنيل
البياعين : ايه ايه يابوغاشه
دوللي : بوغاشات موغاشات حب البلاشات
سيفيني.. قبل ده وده إيدك ع الجنيه
فتحية : اكتر من كدا ويهون ياماريا
دا اللى وقع بكره حايتصلح
بقى انت تاكلي فطير وزلابيا
والحج على كاكا مش لاقي يطفح
والله اتكسينا ياهوه يامصر الو الو
آدي عمرك يوم يوم راح كله نوم نوم
شوف حالتك قوم قوم شوف حالتك
البياعين : مابدهاش لا أبصر ايه
ولامدرك ايه شرف
جدودك حافظ عليه
اسمع الاغنية
الكلمات
الجميع : صح النوم ما تقوم يا حبيبي
غير ريقك ع الحليب
دا لبن قشطة وحياة حبك
لو داقه العيان ليطيب
ماري : يا بيه أنا عندي اللبن البقري
أنا محسوبتك بإيديه الحلوين
أنا محسوبتك علشان خاطري
استفتحني ياللا بقرشين
الجميع : صح النوم ماتقوم يا حبيبي
غير ريقك ع الحليب
دا لبن قشطه و حياة حبك
لو داقه العيان ليطيب
لوسي : خد لك رطلين والا تلاته
و اسقى مراتك و اسقى ولادك
دا احنا غلابه نربي يتامه
واوعى تصدق إننا وحشين
الجميع: صح النوم ماتقوم ياحبيبي
غير ريقك ع الحليب
دا لبن قشطه وحياة حبك
لو داقه العيان ليطيب
فتحيه : دي بنات مصر جمالهم عيره
ابيض وأحمر و أبصر ايه
تبقى قرعه حطه ضفيره
وتقول ع الفلاحه اخيه
الجميع : صح النوم ماتقوم يا حبيبي
غير ريقك ع الحليب
دا لبن قشطه وحياة حبك
لو داقه العيان ليطيب
اسمع الاغنية
المجانين
كلمات
اسمع ياعاقل عن إذنك كلمة فى ودنك خايفين نقولها تسب الدين
حزقانا وحياة راس ابله هات لنا طبله واسمع بتنجان المجانين
إحنا اللى مجانين والا انتو بصوا بعينكو الشرق فين ياشرقيين
دايرين على حل شعوركم أماأموركو ترم ترم ترى تم تم تيم
دامين حايقرا مزاميرك ياداوود غيرك ماحد قال لك انت فين
ياللا انجلي يامو بعجر داحنا حانجعر تجعيره مكن عيار تمانين
والبيه مادام وراه النسوان قول يارحمن عالفدانين اللى فاضلين
اخوك تقيل قد ماتقدر لما يسكر يسقى فى شربة كوكايين
ترم ترم تري تم تم تيم
ننادي ونقول ياعدوي ياللا يابدوي ماتدلنا عاللي تايهين
البنت تحلف بعنيها إلا عنيها مايريحوها إلا ابصر مين
إن كان دا عدل فى شرع الله يفتح الله
الفين سنة لقدام واحنا المجانين
نكتب ونختم على روحنا اننا روحنا لكو انتو دين واحنا لنا دين
ترم ترم تري تم تم تيم
شرف عرف سلامو عليكو البركه فيكو تعيشو فين هى القوانين
بسلامته فى حضن الهانم تنه نايم اما الفايظجية صاحيين
تقول له الجد يقول صهين سيبني فين اهل البلد دي موش فايقين
تسعه وتسعين فى الماية بوكاريستيه إحم إحم شوفوا العاقلين
ترم ترم تري تم تم تيم
عذرا الاغنية ما موجودة فى ارشيفى
المنزولجيه
كلماتها
يابو عبده قول لابو حمده
ينده كعبوره وحكوره آدي ملك الجن
اللى له حاجة يحكي له عنها
يقلب له كيان أيمانها من غير مايون
بقى برضه اصول محاسيبك دول
يفضلو على طول من غير منزول
معناها بلا أفيه ولامؤاخذه
اتحفنا بلحسه تكون لذه
اسم النبي أحسن حافضينك
سيد العارفين ينصر دينك
ياحدقة ناكلها بدقة ناكلها ببصله
أهي لقمه وبس تحشي المصارين
ربنا مايخليه لنا فى ايديه المنزول
اللى يفرفش أيوه الله امين
وسكي ماوسكيش وحشيش ماحشيش
ياخي ده ده مافيش زي دي تغانيش
خربت عمرت طلعت نزلت
كسبت خسرت فتحت قفلت
طظ فى ابو مين الدنيا دي
طول مانا موزون وزنه سجوريا
مابيفلقناش ولايفقعناش
إلا اللى عامل فلوطه وياخد كوكايين
ماهو دا من دا برضك ياسيدنا
بس دا منزول شغل أوروبا اما دا وطني
حتى الفرنجة فى الكيف بريه
هيا الأمزجة فيها باشا وبيه
خمرةميت كوكايين ميت
وسكي ميت منزول ميت
اختار لك موته وطنية
أحسن من الموتة الأفرنجية
اسمع الاغنية
السياس
كلمات
اوعى يمينك اوعى شمالك اوعى الأزمة توقف حالك
اوعى وشك اوعى ضهرك اوعى فوقك اوعى تحتك
اوعى الكوكايين يلحس مخك اوعى سبق الخيل لايطسك
يمينك شمالك اوعى
ياللي ماشيه خطوه خطوه طالعه فيها عامله حلوه
غطي إيدك غطي رجلك غطي وشك غطي صدرك
إوعي تترقصي ف السكه إوعي تقولي لي الا فرانكه
إوعي تتغمزي بعينيكي والناس ملمومين حواليكي
الراجل لو بصبص ليكي إيه ذنبه دا الحق عليكي
يمينك شمالك اوعى
ورده ورده ورده ورده يافندي حوده حوده
ياللا وسع بلاش زحمة
اسمع اسمع مني كلمة
إن كنت صحيح بدك تخدم مصر ام الدنيا وتتقدم
لا تقول نصراني ولا مسلم ولا يهودي ياشيخ اتعلم
اللى أوطانهم تجمعهم عمر الأديان ماتفرقهم
يمينك شمالك اوعى
اسمع الاغنية
الحاوى
الحاوى من رواية راحت عليك
كلماتها
الجميع: الحاوي أهو تعا نتفرج على العابه
ياللي التعابين تلعب عنكب فى جرابه
يا الف اهلا يا الف مرحب
يا ست الاف نور على جنابه
الحاوي: أنا محسوبكو الواد سفروت
الجميع: سفروت
الحاوي: أبلع جاموسه تنزل برغوت
الجميع: برغوت
الحاوي: أمضغ قطط
الجميع: قطط
الحاوي: أزغط بلط
الجميع: بلط
الحاوي: جرابي فيه
الجميع: فيه إيه
الحاوي: حيات أورط
الجميع: أورط
الحاوي: حاوي مناويشي وغيري مافيشي
منتوف ريشي جيوبي مشروطة
الجميع: مشروطة
الحاوي: فهلوي مصري نكتة وعصري
أبكس وأجري وإيدي مربوطة
الجميع: مربوطة
الحاوي: وياي بنتي حلوة وحنتي
وحياتك إنتي بيضه قطقوطة
الجميع: قطقوطة
الحاوي: تاكل تعابين ياعم روبين
وعليها جبين حاجة مخروطة
الجميع: مخروطة
الحاوي: جيت لكو فى الهند بلاد السند
إن جيت للعند أهي مخلوطة
الجميع: مخلوطة
الحاوي: ألعب سيميا أونطة وكيميا
من بوهيميا أنا واد فلوطة
الجميع: فلوطة
الحاوي: أحط ف إيدي جدي صعيدي
أقفل ةافتح يطلع قوطه
الجميع: قوطه
الحاوي: أمسك تعبان يطلع جعران
يقلب فيران لابسين فوطة
الجميع: فوطة
الحاوي: توت هيلا توت هيلا
توت هيلا توت هيلا
الجميع: الحاوي أهو تعا نتفرج على العابه
ياللي التعابين تلعب عنكب فى جرابه
يا الف اهلا يا الف مرحب
يا ست الاف نور على جنابه
